Barcelona i ka caktuar çmimin anëtarit të saj, Martin Braithwaite.

Braithwaite, transferimi ‘emergjent’ i Barcelonës, duket se nuk do ta ketë të gjatë aventurën e tij në ‘Camp Nou’.

Danezi u afrua te Barcelona si pasojë e lëndimeve të shumta në skuadër dhe mungesës për zgjedhje nga trajneri Quique Setien.ër

Por, ‘Mundo Deportivo’ shkruan se Barca do të heq dorë nga lojtari qysh në këtë merkato, transmeton lajmi.net.

Do të duhet të japin së paku 18 milionë euro, secila skuadër që dëshiron ta ketë Braithwaite në radhët e saja.

Everton dhe West Ham thuhet të kenë interesim, por klubi i Barcelonës ka përshtypje të mira rreth profesionalizmit të lojtarit, dhe nuk e japin për më pak se 18 milionë.

Mbetet të shihet nëse ndonjë skuadër do të barazojë kërkesat e Barcës, me ofertat.